"மதம்"- " நம்பிக்கை": வேறுபாடு பற்றி ஒரு சிந்தனை

அனைத்து மதத்தினர் மத்தியிலும் "நம்பிக்கை" என்று ஒன்று உண்டு. அந்த நம்பிக்கையை, "மதம்" என்பதன் ஒரு அங்கமென்று பலரும் கருதுவர். இத்தகைய கருதல், பலவிதமான பூசல்களுக்கு வித்திடுகிறது என்று எனது கணிப்பு.

மதம் என்பது வாழ்க்கை முறை. மார்க்கம். இதை ஏற்றால், "எனது மதம், மதமல்ல; மார்க்கம்" என்று ஒவ்வொரு மதத்தினரும் சிக்கலான தத்துவங்களைப் பேசிக் கொண்டிருக்கவேண்டியதில்லை. முஸ்லீம்கள், "இஸ்லாம் என்பது மதமல்ல; அது மார்க்கம்." என்று கூறுகின்றனர். இதையே, பெளத்தர்களும் கூறுகின்றனர், சனாதனியர்களும் கூறுகின்றனர். இந்த "மதமல்ல; மார்க்கம்", என்ற விவரிப்புக்கான தேவை, "மதம்" என்ற சொல்லிற்கான அர்த்தம் வேறு "மார்க்கம்" என்ற சொல்லிற்கான அர்த்தம் வேறென்று கருதுவதால் தான்.

"நம்பிக்கை" என்பது "நம்பிக்கைகள்". எவைகளை நிரூபிக்கும் அளவிற்கு விவரிக்க‌ முடியாமல் நம்புகிறோமோ அவைகளை நம்பிக்கைகள் எனலாம். நம்பிக்கையில்லாதா மனிதர்கள் இருக்கவே முடியாது. பெரியார் கூட ஒரு நம்பிக்கையுடைய மனிதர்தான். "கடவுள்" என்று ஒன்று இல்லை என்று நம்பியவர். சமூகத்தில் நீதிவேண்டுமென‌ என நம்பியவர். இவைகளை அவரால் கூட நிரூபிக்கும் அளவிற்கு விவரிக்க முடியாது, அல்லது நிரூபணம் செய்யமுடியாது.

சமூகத்தில் நீதிவேண்டுமென்பது கூட ஒரு நம்பிக்கைதான். அதற்கு வக்காலத்து செய்ய வேண்டுமானால், "அநீதி" எனும் பின்புலத்தில் மட்டுமே செய்யமுடியும். "நீதி - அநீதி" என்று இருபுறத்தையும் உள்ளடக்கிய ஒரு அமைப்பிற்கு, அதாவது, நீதி- அநீதி என்ற பிரிவினையே செய்யப்படாத ஒரு அமைப்பிற்கு, "நீதி வேண்டும்" என்ற கருத்தாக்கத்திற்கே பொருளில்லை. நாம் சமூகத்தின் அங்கம் என்பதால், சமூகம் என்பது "நீதி முறைகளுடன் செயல்படும் ஒரு அமைப்பு" என மனதில் நாம் வரையறுத்துவைத்திருப்பதால், சமூகத்திற்கு நீதி தேவை என நம்புகிறோம்.

 திறமை/அதிகாரம்/சக்தி ஆகியவைகள்தான் சமூகத்தின் செயல்பாடுகளுக்கான காரணம் என்று ஒருவர் அமைக்கும் சமூகத்தில், நீதி-அநீதிகள் அனர்த்தமாகின்றன. "survival for the fittest" என்பது இவர்களது நம்பிக்கையாகிவிடுகிறது.

மீண்டும் மதம்- நம்பிக்கை பற்றிய விஷயத்திற்கு வருவோம்.

இதனால், "இந்து நம்பிக்கை" என்ற சொல்லிற்கும், "இஸ்லாமிய மதம்" என்ற சொல்லிற்கும் அர்த்தமில்லை. இந்து மதத்தினர்கள் எனக் கருதப்படுபவர்களில், அத்வைதம், புராண நம்பிக்கைகள் என ஒன்றுக் கொன்று சம்பந்தமே இல்லாத நம்பிக்கைகள் இருக்கின்றன.

அது போலவே, "இஸ்லாமிய மதம்" என்று ஒன்று இருப்பதாகத் தெரியவில்லை. "இஸ்லாமிய நம்பிக்கைகள்" என்று உண்டு.

மிக எளிதாக விளக்குவதற்காக, "பிஜே" எனும் "பி ஜெயினுல் ஆபிதீன்" என்பவரையும் "ஷேக் அப்துல்லா ஜமாலி" என்பவரையும் எடுத்துக் கொள்வோம். இவர்கள் தமிழக முஸ்லீம்கள் மத்தியில் பிரபலமானவர்கள். இவர்களது நம்பிக்கைகள் வேறுபடுகின்றன.

பிஜே என்பவரின் நம்பிக்கையில் பின்வரும் அம்சங்கள் உள்ளன: கடவுள் உருவமுடையவ‌ன்; அந்த உருவம் ஒரு நாற்காலியில் அமர்ந்துள்ளது. அந்த நாற்காலியை எட்டு "ஜின்கள்" எனப்படுபவர்கள் தூக்கிக் கொண்டுள்ளனர்; அந்த உருவம் வானத்தில் ஒரு திசையில் அமந்துள்ளது; அந்த உருவத்திற்கு கால், கைகள் உண்டு; மனிதன் என்பவன் அவருடைய உருவத்தில் படைக்கப்பட்டுள்ளான்; அதாவது கடவுள் மனிதனைப் போல இருப்பான். இந்த நம்பிக்கைக்கு பெயர் என்று எதுவும் இல்லை என்றாலும், பிஜே இதனை "இஸ்லாமிய நம்பிக்கை" எனக் கருதுவதால், இதனை இஸ்லாமிய நம்பிக்கை எனக் கொள்வோம்.

"ஷேக் அப்துல்லா ஜமாலி" என்பவரின் நம்பிக்கையில் பின்வரும் அம்சங்கள் உள்ளன. அனைத்துப் பொருட்களும் கடவுளின் ஒளியினால் ("நூர்") படைக்கப் பட்டுள்ளது; கடவுளைப் போன்று எதுவும் இல்லை; நாம் மனிதர்களிடம் உதவி கேட்டால் கூட அது கடவுளிடம் கேட்டதற்கே சமம் என்று கருதவேண்டும்; நாம் மனிதர்களுக்கு செய்யும் பணி கடவுளுக்கு செய்யும் பணியே ஆகும் எனக் கருதவேண்டும்; கடவுள் தனது படைப்பினங்களைக் கொண்டும் உதவுவான். இதனை பிஜே இஸ்லாமிய நம்பிக்கை இல்லையென்றும், "சூஃபித்துவம்" என்றும் கூறுவார். ஷேக் அப்துல்லாஹ் ஜமாலியின் படி இது இஸ்லாமிய நம்பிக்கை.

 ஆனால் மதம் எனும் அடிப்படையில் இருவரும் "இஸ்லாமிய மதம்" அல்ல. நான் மேலே சொன்னவாரு "இஸ்லாமிய மதம்" என்று ஒன்றுமே கிடையாது. "அரேபிய மதம்" என்று வேண்டுமானால் ஒன்று உண்டு. அந்த அரேபிய மதம் என்பது "அரேபிய வாழ்க்கை முறை அல்லது மார்க்கம்" என்பதாகும். பிஜேக்கு நான்கு மனைவி கிடையாது, ஷேக் அப்துல்லாஹ் ஜமாலி அவர்களுக்கும் கிடையாது என்றே நினைக்கிறேன். பிஜேயும் ஜமாலியும் கைலி அணிகின்றனர். அரேபியர்களைப் போலல்லாமல் வேறு உடை உடுத்துகின்றனர். ஒட்டக் கறிகளை சுவைத்திருக்க மாட்டார்கள். எனவே இவர்கள் இருவரும் இஸ்லாமிய‌ மதத்தினையோ அரேபிய மதத்தினையோ சேர்ந்தவர்களில்லை.

ஷேக் அப்துல்லாஹ் ஜமாலி அவர்கள், இஸ்லாமிய நம்பிக்கையினைக் கொண்டுள்ளார்; தமிழ் முஸ்லீம்களின் மதத்தினைக் கொண்டுள்ளார். பிஜே அவர்கள் தான் கூறும் இஸ்லாமிய நம்பிக்கையையும், தமிழ் முஸ்லீம்களின் மதத்தினையும் கொண்டுள்ளார்.

இதேப் போல பாரதியார், அத்வைத/இஸ்லாமிய/பெளத்த/சூஃபி நம்பிக்கையையும், தமிழ் பிராமணர்களின் மதத்தினையும் கொண்டவர். (பெளத்தர்கள் "கடவுள்" எனும் வார்த்தையைப் பயன்படுத்தாவிட்டாலும், "உண்மை" என்ற வார்த்தையினைப் பயன்படுத்தியுள்ளனர். "உண்மை" என்பது இஸ்லாமிய மற்றும்  வேத நம்பிக்கைகளின் படி கடவுளின் பெயர்களில் ஒன்று.)

வள்ளலாரும் பாரதியார் போலவே. அவருடைய மதம் தமிழ்-சைவர்களின் மதம். அவரின் நம்பிக்கை இஸ்லாமிய/அத்வைத/பெளத்த நம்பிக்கை.

பெரியாரின் மதம் ஈரோடு தமிழர்கள் அல்லது தெலுங்கு தமிழர்களின் மதம். அவருடைய நம்பிக்கை, இஸ்லாமிய, பெளத்த/அத்வைத நம்பிக்கையின் சில அம்சங்கள்.

மோடி, அத்வானி, ஹெச் ராஜா, காஞ்சி சங்கராச்சாரியார் போன்றவர்களின் நம்பிக்கைகள் புராண நம்பிக்கைகள்: அதாவது கடவுளுக்கு உருவம் உண்டு; அவைகள் பலவகைப்படும்; அவைகள் குடும்பஸ்தர்கள்

வஹ்ஹாபி என்றால் அல்லாஹ்வின் கட்சியாளரா?

 பிஜே எனும் பிஜெயினுல் ஆபிதீன் தனது அறிவாற்றலால் அவரது "கொள்கைச் சகோதரர்"களை திக்குமுக்காடச் செய்து வருகிறார்.

"தவ்ஹீத் ஜமாத்தினர் வஹ்ஹாபிகளா? " என்று ஒருவர் பிஜேயிடம் கேள்வி கேட்டபோது, அவர் கொடுத்த பதி இதோ. அப்துல் வஹ்ஹாப் எனும் பயங்கரவாதியை அவர் புகழ்வது ஒருபுறம் இருக்கட்டும். அந்த பதிலில் ஒரு பகுதியாக இவர் கூறுவதைப் பாருங்கள். "வஹ்ஹாப்" எனும் சொல் அல்லாஹ்வினைக் குறிப்பதால் "வஹ்ஹாபி" என்றால் அல்லாஹ்வின் கட்சியைச் சேர்ந்தவராம். இது இவரது பதிலில் அடக்கம்.

 அப்படியானால், இவர் "காதியானி", "காதியானி" என்று சாடும் கூட்டத்தினர். காதியான் எனும் ஊரில் உள்ளவர்களையா? இந்த மடையனிடம் யாராவது கேளுங்கள். இந்தப் பிஜே போற்றும் "இப்னு தைமிய்யா" என்பவர் "தைமிய்யா" எனும் குலத்தினர்கள் சேர்ந்து பெத்த பிள்ளையா? பிஜேயின் தந்தை "பீர் முகம்மது" என்றால், பீர் முகம்மது என்று பெயர் உடையவர்களெல்லாம் பிஜேயின் தந்தையா?

தன்னை அறிவாளி என்று நினைச்சிகிட்டா இப்படித்தான் உளர்வார்கள்: பிஜே ஒரு உதாரணம்

 பிஜே தனது இணையதளத்தில் ஒரு அபிப்ராயம் சொல்லி இருக்கிறார். லைசென்ஸ் இல்லாத சாஃட்வேரைப் பயன்படுத்தலாம் என்பதுதான் அவர் சொல்லி இருக்கும் அபிப்ராயம்.

 சாஃப்ட்வேரைக் காசுகொடுத்து வாங்கினவரிடமிருந்து காப்பிஎடுத்து, அவரது அனுமதியோடப் பயன்படுத்திக் கொள்ளலாமாம் ! காசு கொடுத்து வாங்கவேண்டியத் தேவையில்லையாம். ஏன்னாக்கா, சாஃட்வேரை வாங்கினவருக்கு அனைத்து உரிமையும் இருக்காம.

 நான் கேள்வி கேட்கிறேன்.

 (1) சாஃப்ட்வேரை காசு கொடுத்து வாங்கியவர் இன்னொருவர் காப்பியெடுக்க அனுமதிக்கும் போது, தனது கணினியில் அந்த சாஃட்வேரை அழித்தால்தானே எடுக்கப்பட்ட காப்பியின் பயன் பாட்டிற்கு பணம் கட்டப்பட்டிருக்கும். அழிக்கப்படாத நிலையில் எப்படி இது நியாயம் ஆகும். இந்த கூமுட்டை பதில் சொல்லமாட்டார் என்பது வேறுவிஷயம். அவரோட முட்டாள்தனத்தினை வெளிச்சம் போடுவதற்காக மட்டும்தான் இந்தப் பதிவு. புண்ணாக்குப் பாண்டி ஏதாவது பதில் சொல்லுதான்னுப் பார்ப்போம்.

(2) சாஃட்வேரை வாங்கியவர், ஒரு ஒப்பந்தத்தினை (லைசென்ஸ் ஒப்பந்தம்) ஏற்றுக்கொண்டுதானே அதைப் பயன்படுத்துகிறார். அந்த ஒப்பந்தத்தினை ஏற்றுக்கொண்டு, அதற்கு உட்பட்டுப் பயன்படுத்துவேனென்று கூறிவிட்டு அதைப் புறக்கணிப்பதுதான் நீ கற்பிக்கும் மதமா? அந்த ஒப்பந்தத்தினை ஏற்றுக் கோன்டவருக்கு எப்படி அனைத்து உரிமைகளும் உண்டு என்கிறாய்? புண்ணாக்குப்பாண்டி இதற்கும் பதி சொல்லமாட்டார். ஆனால் மக்கள் கவனிக்கவேண்டும்.

(இது போன்ற கேள்விகளால், புண்ணாக்குப் பாண்டி பிறகு தனது அபிப்ராயத்தினை மாற்ற வாய்ப்புள்ளது. இருப்பினும் அவரது மூடத்தனத்தின் உதாரணம் என்று சொல்வதற்காக, அவரது அந்த அபிப்ராயப்பக்கம் ஸ்கிரீன்ஷாட்டாக எனது சேமிக்கப்பட்டுள்ளது. பிஜே மாற்றினால், அந்த ஸ்கிரீன்ஷாட் இங்கே போடப்படும்.)

"நஜ்த்" எனும் நிலப் பகுதி பற்றிய பீஜேயின் ஃபத்வா

"புகாரி" எனும் ஹதீஸ் புத்தகத்தில் தொகுக்கப்பட்ட ஒரு ஹதீஸின் படி, நபிகள் நாயகம் அவர்களின் வாழ்க்கையில் கீழே சொல்லப்பட்டுள்ளதைப் போல ஒரு சம்பவம் பதிவு செய்யப்பட்டுள்ளது:

"யா அல்லாஹ் "ஷாம்" (டமாஸ்கஸ்) பிரதேசத்தையும், "ஏமன்" எனும் பிரதேசத்தையும் செழிக்கச் செய்வாயாக" என நபிகள் நாயகம் வாழ்த்தும் போது, அங்கிருந்த ஒருவர் தனது "நஜ்த்" எனும் பகுதியையும் நபிகள் நாயகம் வாழ்த்த வலியுறித்துகிறார். நபிகள் நாயகமோ அவரை சட்டை செய்யாமல் மீண்டும் ஷாமையும் ஏமனையும் மட்டுமே வாழ்த்துகிறார்கள். அதனைக் கேட்ட அவர் மீண்டும் தனது "நஜ்த்" பகுதியை வாழ்த்த வலியுறுத்த, நபிகள் நாயகம் மறுத்துவிடுகிறார்கள். மேலும் நஜ்த் பகுதி பூகம்பம், குழப்பங்கள் மற்றும் சைத்தானின் கொம்பு ஆகியவற்றின் இருப்பிடம் என முன்னறிவிப்பு செய்கிறார்கள்.

இந்த ஹதீஸில் வரும் "நஜ்த்" எனும் பகுதி என்பது எது என்று விக்கிப்பீடியாவில் பார்த்துத் தெரிந்து கொள்ளலாம்: http://en.wikipedia.org/wiki/Najd

இது அரேபிய தீபகற்பத்தில் அமைந்துள்ள பீடபூமி. நமது நாட்டு தக்காணப் பீடபூமி போல அரேபியாவில் அமைந்துள்ள ஒரு பீடபூமி. சவுதி அரேபியாவின் தலை நகரான "ரியாத்" எனும் நகரம் இந்தப் பீடபூமியில் அமைந்துள்ளது. மேலும் நபிகள் நாயகம் முன்னறிவிப்பு செய்தது இந்தப் பகுதியைப் பற்றிதான் என்பதற்கு வலுச்சேர்க்க மேலும் ஒரு காரணம் மற்றொரு ஹதீஸ் ஆகும்.

புகாரி மற்றும் முஸ்லீம் எனும் ஹதீஸ் புத்தகங்களில் தொகுக்கப்பட்ட ஹதீஸ்கள்படி நபிகள் நாயகம் அவர்கள் கிழக்குத் திசையினைச் சுட்டிக்காட்டி அது குழப்பங்களின் பிறப்பிடம் என அறிவித்துள்ளார்கள் (ஆதாரம்: சஹீஹ் புகாரி, பகுதி 9, புத்தகம் 88, எண் 213. மற்றொரு ஆதாரம்: சஹீஹ் முஸ்லிம், புத்தகம் 41, எண் 6939)

நபிகள் நாயகம் வாழ்ந்த மதீனாவிற்கு நேர் கிழக்கே இருப்பது ரியாத் எனும் நகரம் ஆகும். தற்போதயை சவுதி அரேபியாவின் தலைநகரான ரியாத் எனும் அதே ரியாத் தான். "கூகிள் மேப்"பின் வரைபடத்தினைக் கீழேக் காட்டியுள்ளேன். கவனிக்க.

எனவே நஜ்த் எனும் பகுதி ரியாத் அமைந்துள்ள பீடபூமீயே ஆகும் எனத்தெரிகிறது. மற்றப் பீடபூமியாக இருக்க வாய்ப்பு இல்லை.

இந்தப் பகுதியிலிருந்துதான் நபிகள் அவர்கள் காலத்திலேயே, "முஸ்லைமா" எனப் பெயர் உடையவன் தன்னை "நபிகள்" எனப் பிரகடனம் செய்து, பின்னர் அபூபக்கர் அவர்களின் ஆட்சியில் மாபெரும் போரினைப் புரிந்து பலர் இறப்புக்குக் காரணமாக இருந்தவர்.

மேலும், இந்தப் பகுதியிலிருந்து தான் நபிகள் நாயகத்தின் பேரனான ஹுசைன் எனும் ஒரு அமைதியானவரைக் கொன்ற யஜீதினைப் புகழ்ந்து கொள்கைகள் வகுத்த வஹ்ஹாபிகளின் குருவான "முகம்மது இப்னுஅப்துல் வஹ்ஹாப்" தோன்றினார். அந்த வஹ்ஹாபிகள் ஆட்சி செய்யும் நகர்தான் ரியாத். மேலும் சவுதி அரசின் ஆஸ்தான குருமார்கள் அனைவரும் இந்தப் பகுதியில் இருந்துதான் வருபவர்கள். அவர்கள் "இப்னு பாஸ்" எனப்படும் காலஞ்சென்ற குருவாக இருந்தாலும் சரி, தற்போதைய குருவாக இருந்தாலும் சரி. சுருங்கச் சொன்னால், இந்த நஜ்த் பகுதியே அரசியல் ரீதியிலும் மதக்கொள்கை ரீதியிலும் குல அடிப்படையிலும் சவுதி அரேபியாவை ஆட்சி செய்து வருகிறது.

இந்தப் பகுதிப் பற்றி பிஜே ஒரு ஃபத்வா போட்டுள்ளார். "நஜ்த்" எனும் அந்தப் பகுதி ஈராக் என்றுக் கூறுகிறார். பிஜே, தனக்கு ஆங்கிலம் தெரியாது என்று சொல்லிக்கொண்டே, ஆங்கில மொழியில் அமைந்த விக்கிப்பீடியாவில் கூறப்பட்டுள்ள செய்தியையே தனது ஃபத்வா எனத் தனது இணையதளத்தில் பிஜே போட்டுள்ளார். இந்த ஹதீஸ் பற்றிய விக்கிப்பீடியாப் பக்கம்: http://en.wikipedia.org/wiki/Hadith_of_Najd

இந்த விக்கிப் பீடியா பக்கத்தில் கூறப்பட்டுள்ள செய்தியையும், அவர் போட்டுள்ள ஃபத்வாவையும் ஒப்பிட்டுப் பார்த்துக்கொள்ளுங்கள்.

 (மேலும் படிக்கும் முன் ஒரு குறிப்பு: எனது இந்த இணையதளத்தில் பழைய பதிவுகளில் பிஜே "ஒரு பொய்யன்" என வீடியோ ஆதாரங்களுடன் நிரூபிக்கப்பட்டுள்ளதால், அவரைப் பொய்யன் என்றே இந்தப் பதிவிலும் அழைக்கப்படுகிறது. பிஜே இதற்கு தகுந்த முறையில் காரணங்களைக் கூறி ஆட்சேபனைத் தெரிவித்தாலோ அல்லது எனது நிரூபணம் தவறு என அவர் நிரூபித்தாலோ, நான் அவரை பொய்யன் என அழைப்பதை விட்டு விடுவேன் என அறிவிக்கிறேன்.)

அடப் பொய்யா உன்னிடம் சிலக் கேள்விகள்:

1. ஈராக் என்பதுதான் நஜ்த் என்றால் ஈராக் நாடானது, நபிகள் நாயகம் வாழ்ந்த மதினாவிற்குக் கிழக்குப் பக்கம் இல்லையே! பதில் சொல்.

2. ரியாத் அமைந்துள்ள நஜ்த் (பீடபூமி) மதினாவிற்கு கிழக்கே இருக்கிற பீடபூமியாக இருக்கே! அப்போ நபிகள் நாயகம் சுட்டிக்காட்டிய கிழக்குப் பகுதி ரியாத் தானே! பதில் சொல். இந்த கேள்வியைச் சற்று உடைத்துக் கேட்கிறேன்: ரியாத் இருக்கிறப் பகுதி மேட்டு நிலம் என்று சொல்லக் கூடிய உயரமான பகுதியா இல்லையா ? (அந்த பகுதி கடல் மட்டத்திற்கு மேலே 1500 மீட்டர்கள் வரை உயர்ந்துள்ளது. அப்புறம், அது மதினாவிற்கு கிழக்கே இருக்கா இல்லையா?

3. இப்ன் ஹாஜர் சொல்லுகிறார் என்பதற்காக ஈராக் தான் நஜ்த் என்கிறாயே, அவர் என்ன ஆதாரம் சொன்னார் என்று சொன்னாயா ? ஈராக்கில் பூகம்பம் வருவதால் அதுதான் நஜ்த் என்பது ஏற்றுக்கொள்ளத்தக்கவாதமா ? "பூகம்பம்" என்றால் உண்மையான பூகம்பம் தானா ? சரி வைத்துக்கொள்வோம். "சாத்தானின் கொம்பு" என்றால் ஈராக்கில் சாத்தானின் "கொம்பு" அதாவது உண்மையான கொம்பு ஒன்று அல்லவா அங்கு உருவாகி இருக்க வேண்டும். இதிலிருந்து பூகம்பம் என்றால் உண்மையான " நில நடுக்கம்" என சொல்லப்படுகிற பூகம்பம் இல்லை என்றுத் தெரியவில்லையா? அது கொள்கை மற்றும் பிரச்சனைகள் சம்பந்தமான சொல்லாடல் என்று உனக்குப் புரியத் தெரியவில்லையா?

4. சரி, இப்னு கத்தாபி மற்றும் இப்னு ஹாஜர் தெளிவு படுத்தியுள்ளனர் என்று சொன்னாயே, அவர்கள் கூறிய "அந்த தெளிவு படுத்தலில்" ஈராக் மதீனாவிற்கு கிழக்கே உள்ளது என்று கூறியுள்ளனரே! அது சரியா தவறா என்று பார்த்தாயா? இப்போதாவது மேப்பினை எடுத்து வைத்து பார்த்து தெரிந்து கொள்வாயா?

5. மேலும் நீ எழுதுகிறாய்: "குழப்பங்களும் பிரச்சனைகளும் வழி கெட்டக் கொள்கைகளும் ஈராக்கில் தான் முதலில் தோன்றின." அடப் பொய்யா, "முஸ்லைமா" என்பவன் நபிகள் நாயகம் காலத்திலேயே பிரச்சனை செய்தானே, அவன் ஈராக் பகுதியையா சேர்ந்தவன் ? சவுதி அரேபியா தலை நகரான ரியாத் அங்கம் வகிக்கும் நஜ்த் பகுதியைத் தானே சேர்ந்தவன். பதில் சொல்லு.

சீனாவும் தலாய்லாமாவும் இந்து பத்திரிக்கையும்

தலாய்லாமாவினை பின் லாடனுடன் இந்து ராம் ஒப்பிட்டுவிட்டதாக ஒரு பதிவினைப் படிக்க நேர்ந்தது. இந்து ராம் அவ்வாறு ஒப்பிடவில்லை என்று அவர் எழுதியதைப் படிக்கும் போது புரிந்தது.

தலாய்லாமாவினை பின்லாடனுடன் ஒப்பிட முடியாதெனினும், தலாய்லாமாவினை அவரது தோற்றத்தினுடனும் ஒப்பிட முடியாது. இந்த தொடுப்பினைப் பார்க்கவும்.

தலாய்லாமா மற்றும் அவரது ஆதரவாளர்களின் முழுவீச்சான கோறுதலான, "திபெத்தியர்களின் சாவு எண்ணிக்கை 99" என்பதினை உண்மை என்று கொண்டாலும், இது சாதாரணமாக இஸ்ரேல் இராணுவத்தினர் பாலஸ்தீனத்தில் 10 அல்லது 20 நாட்களில் கொல்லும் மக்களின் எண்ணிக்கையாக இருந்தாலும், பிபிசி போன்ற இணைய தளங்களில் இச்ச்ய்தி அதி முக்கியத்துவம் பெறுவதற்கு, பிபிசி உள்ளிட்ட ஊடகங்களின் சீனா விரோத போக்குக்கும், தலாய்லாமாவின் போக்குக்கும் ஒத்த நிலை இருப்பதுவே ஆகும். இதனால் தலாய்லாமாவின் பெருமளவில் மிகைப்படுத்தப்பட்ட, "பண்பாட்டு அடிப்படையிலான இன்வொழிப்பு திபெத்தில் நிகழ்கிறது" எனும் கோறுதல்கள் இவ்வூடகங்களில் எதிரொலிக்கப்படுகின்றன.

இவைகளுக்கு முக்கிய காரணம், சமீபத்தில் சீனாவின் செல்வாக்கு வளர்ச்சியே. அதன் செல்வாக்கு கிழக்கு ஆசியாவுடன் மட்டும் நின்றுவிடாது, மத்திய ஆசியா, தென்கிழக்கு ஆசியா மற்றும் ஆஃப்ரிக்காவிலும் வளர்ச்சிஅடைந்துள்ளது. அதனுடைய அரசியல் நிலையில் இஸ்ரேலுக்கு எதிரான நிலைப்பாடு கடந்த லெபனான் போரின் போது வெளிப்பட்டது. சூடான் மேற்கத்திய மதிப்புகளுக்கு எதிராக இருப்பதினால், சூடானில் நிகழும் கலவரத்தினை "இனவொழிப்பு" எனும் சொல்லாடலைக் கொண்டு வர்ணித்து மகிழ்வுற மேற்கத்திய நாடுகள் எத்தனிக்கும் போது, அதனுடன் சீனா நல்லுறவு கொண்டுள்ளது. மேலும் அதன் உறவு வடகொரியாவுடனும் வெனிசுவேலாவுடனும் க்யூபாவுடனும் சிறப்பாகவே உள்ளது. மிக முக்கியமாக ஈரானுடனான‌ அதன் உறவு மிகச் சிறப்பாகவே உள்ளது.

இதனால் இவை அனைத்திலும் மேற்கத்திய நாடுகளுடன் ஒத்த கருத்தினைக் கொண்டுள்ள நாடுகளின் ஊடகங்கள் சீனாவிற்கு எதிரான நிலையைக் கொண்டுள்ளது, அதிக வியப்பினை அளிக்கவில்லை. திபெத்தில் இறந்ததாக‌ தலாய்லாமா கூறிக்கொள்ளும் 99 பேர்கள் அவர்களின் பார்வையில் ஈராக்கில் இறந்த மில்லியன் மக்களைவிடவும், ஆஃகானிஸ்தானில் திருமண நிகழ்ச்சிகளில் கூட விமான‌குண்டு வீசி கொள்ளப்பட்ட மக்களைவிடவும் அதிகமாகத்தோன்றுவதால் அவைகள் தலைப்புச் செய்திகளாக அவ்வூடகங்களின் இணையதளங்களில் பல மணி நேரமோ அல்லது ஒரு நாள் முழுவதுமோ நீடித்தன. இஸ்ரேல் இராணுவம் பாலஸ்தீனத்தில் கொல்லும் செய்திகள் பெரும்பாலும் அந்த பிராந்திய செய்தியாக மட்டுமே சுருங்கிவிடுகின்றன.

ஊடகங்களின் மூலம் நான் பார்த்த வரையில், திபெத்தில் மனிதஉரிமை மீறல்கள் இல்லை. உலகில் உள்ள மற்ற ஆக்கிரமிக்கப் பட்டுள்ள பகுதிகளில் நிகழும் மனிதவுரிமை மீறல்களான வீட்டிற்குள் புகுந்து கற்பழித்தல், காணாமல் போகுதல், என்கவுண்டர் எனும் பேரில் போட்டுத் தாக்குதல் போன்றவைகள் திபெத்தில் நிகழ்ந்துள்ளதாக செய்திகள் இல்லை. தலாய்லாமா சார்பான பிபிசியில் கூட நான் காணவில்லை.

மேற்கத்திய நாடுகளின் நிலைக்கு தாளம் போடாமலும், இந்திய‌ மதவாதிகளின் நிலைக்குத் தாளம் போடாமலும், "தேசியம்" மற்றும் "பிராந்தியம்" எனும் பேரில் இந்தியாவில் தாண்டவமாடுபவர்களுக்கு சார்பில்லாமலும், "தமிழ்த்தேசியம்" எனும் பேரில் மதவெறியினைக் கொண்டு செயல்படும் கூட்டத்திற்கு எதிரான நிலையைக் கடை பிடித்தும், பெண்ணுரிமை மற்றும் சாதிவொழிப்பு போன்ற பெரியாரின் முற்போக்கான கொள்கைகளையும் தூக்கிப் பிடித்திருக்கும் இந்து பத்திரிக்கையின் ஆசிரியரான ராம் வியக்கத்தக்கவர். ஆனால் அவர் மீதான விமர்சன‌ங்கள் இல்லை யென்றும் சொல்வதற்கில்லை.