Sunday, November 10, 2013

"மண்டியிட்டு கெஞ்சுகிறார்": காந்தி பற்றி டிராட்ஸ்கி

இரண்டாம் உலகப்போர் துவங்குவதற்கு முன் ரஷ்யச் செம்படையின் நிறுவனர் டிராட்ஸ்கி, மெக்ஸிகோவில் தஞ்சம் புகுந்திருந்தார். ஸ்டாலினிடம் ஏற்பட்ட‌ பிணக்கினால் அவர் மெக்ஸிகோவிற்கு செல்ல நேர்ந்திருந்தது. பிறகு ஸ்டாலினின் கொலையாளியால் மெக்ஸிகோவிலேயே கொல்லப்பட்டார் டிராட்ஸ்கி.

 இந்த டிராட்ஸ்கி, காந்தியைப் பற்றியும், பிரிட்டிஷ் ஆட்சியைப் பற்றியும் எழுதியக் கடிதம் ஒன்று இதோ: http://www.marxists.org/archive/trotsky/1939/07/india.htm

இதில் காந்தியின் ஒத்துழையாமை இயக்கம் பற்றி டிராட்ஸ்கி குறிப்பிடவில்லையெனினும், காந்தியினைப் பற்றி அவர் வர்ணிப்பது சில சமயங்களில் ஏற்றுக் கொள்ளத்தக்கது. மிகக் கடுமையாக காந்தியைச் சாடுகிறார் டிராட்ஸ்கி.

 பிரிட்டிஷாரை காந்திய வழியில் இல்லாமல் போர்ச்சுகீஸியர்களை இந்தியா விரட்டிய பானியில் விரட்டியிருந்தால், நமது வரலாறு சற்று கவுரவமாக இருந்திருக்கும். இந்தியர்கள் மீதான ரேஸிசம் உலக அளவில் குறைந்திருக்கும். இந்தியர்கள் கண்ணியத்துடன் நோக்கப்படுவார்கள். இந்தியர்கள் என்றதும் இந்தியாவின் வரலாறும் தொக்கிக் கொள்ளும்.

ஆனால் ஆயுதப் போராட்டப் போக்கில் வழி நடத்த சரியான தலைமை இந்தியாவில் இருந்திருக்கவில்லை. பெரும்பான்மையான ஆயுதப்போராளிகள் மதவாதிகளாக இருந்திருந்தனர். உதாரணம் திலகர். உண்மையான ஆயுதப் போராட்டத்தில் ஈடுபட்ட சிராஜ் உத்தெளலா, ஹைதர் அலி, திப்பு சுல்தான் போன்றவர்கள் தனது ஆட்சிக்காகப் போராடுபவர்கள் என்று கருதப்பட்டுவிட்டது.

 அகிம்சை என்பது ஒரு உண்ணதமான தனி நபர் கொள்கை. அதனை ஒரு இயக்கத்தின் கொள்கையாகக் கருதமுடியாது. ஒரு நாட்டின் கொள்கையாகக் கருதமுடியாது