Thursday, April 10, 2008

Fanonite எனும் ஆங்கில வலைப்பதிவிற்கு அறிமுகம்

நான் ஆர்குட் கணக்கு தொடங்கிய காலத்தில், பல ஆர்குட் சமூகங்களில் உறுப்பினராக இருந்தேன். நான் அங்கு நடைபெறும் விவாதங்களில் பங்கேற்காவிட்டாலும், விவாதங்களைப் பார்த்து வருவது எனது பொழுது போக்கு.

அச்சமயங்களில் நான் மத்திய கிழக்கு நாடுகளின் அரசியலைப் பற்றிய சமூகங்களில் நடைபெறும் விவாதங்களில் அதிக கவனங்களைச் செலுத்தினேன்.

அப்பொழுதான் நான் இந்த நபரின் விவாதங்களைப் படித்தேன். இவர் பெயர் முகம்மத் இத்ரீஸ் அஹ்மத். இவர் விவாதத்தினைப் பார்த்த நாட்கள் முதல், இவர் விவாதங்களில் ஈடுபடும் சமூகங்கள் அனைத்திலும் உறுப்பினராகி அவரது அன்றன்றைக் குறிய வாதங்களைப் பார்ப்பது எனது தினம் தினமான செயலாகியது.

இவர் ஒரு ஊடகவலைத்தளத்தில் கார்பரேட் மற்றும் லாபி முறைக்கேடுகளைப் பற்றி ஆய்ந்து வெளிக்கொணரும் பத்திரிக்கையாளராக பணியாற்றுவதுடன், ஸ்ட்ராத்களைட் பல்கலைக்கழகத்தில் முனைவர் பட்டத்திற்காக பயிலும் மாணவராகவும் உள்ளார்.

பிறகு, லெபனான் போரின் போது பிபிசி செய்திகள் இஸ்ரேல் சார்பு ஊடகமானபோது, இத்ரீஸ் ஒரு வலைப் பதிவினைத்தொடங்கினார். அந்த வலைத்தளம் www.fanonite.org or http://fanonite.wordpress.com என்பது ஆகும். அது எனக்கு தெரியவந்த நாள் முதல் அவரது வலைப்பதிவுக்கு நான் செல்லாத நாள் ஏதும் உண்டா ? எனக்கு ஞாபகமில்லை.

இவரது வலைப்பதிவில் பிபிசி உள்ளிட்ட பல செய்தி ஊடகங்களில் இஸ்ரேல் சார்பு போக்கினை அம்பலப்படுத்தியவர். சில பத்திரிக்கையாளர்களின் போக்கினை விமர்சனம் செய்து அப்பத்திரிக்கையாளர்களின் கவனத்தை ஈர்த்தவர். சில சமயங்களில் அப்பத்திரிக்கையாளர்களே இவரது பதிவுகளில் விளக்கங்களை விட்டுச் செல்லுமளவிற்கு இவரது நுணுக்கங்களில் வாத மற்றும் உண்மைச் செரிவுகள் அதிகம்.

மேலும் அரபு நாடுகளின் மக்கள் விரோதப் போக்கினை விமர்சிப்பவர். இஸ்லாமிய அடிப்படைவாதத்தினையும் சில சமயங்களில் விமர்சித்தவர். இவரது பதிவுகளில் இஸ்லாமிய வெறுப்புகளை எதிர்த்த வாதங்கள் இருக்கும் ஆனால் இஸ்லாமிய அடிப்படைவாதம் இருக்காது. "தனது மதம்தான் சிறந்தது" எனும் வறட்டுவாதங்களை முன்வைக்கும் மதவாதப் பதிவுகளைக் காணமுடியாது. மேலும், இஸ்ரேலினையும் அதன் நலனுக்காக அமெரிக்காவிலும் ஐரோப்பாவிலும் செயல்படும் லாபி எனும் குழுக்களையும் கண்டித்த அல்லது அவர்களது சதித்திட்டங்களை வெளிப்படுத்திய பதிவுகள் காணப்படும். ஆனால் சிறிதளவும் யூதவெறுப்பினைப் பார்க்க முடியாது. இவர் ஒரு பாக்கிஸ்தானியராக இருந்தாலும், மிக நேர்த்தியான ஆங்கிலத்தில் பதிவு எழுதுபவர். இதனால் யாரைச் சென்றடைய வேண்டுமோ அவர்களைச் சென்றடைகிறது.

உங்கள் அனைவரையும் அவரது வலைத்தளத்திற்கு சென்று ஒவ்வொரு பதிவினையும் படிக்கக் கேட்டுக்கொள்கிறேன். நீங்கள் அரசியலிலும் மனித உரிமைகளிலும் நாட்டமுடையவாரயின் அவரது பதிகளைப் படிக்காமல் இருக்க முடியாது.

No comments: