Tuesday, November 27, 2007

"தொண்டு நிறுவனங்கள்" (NGOs)

ஆஃப்ரிக்கா உள்ளிட்ட பல பிரதேசங்களில் ஏராளமான தொண்டு நிறுவனங்கள் பணியாற்றுகின்றன. பஞ்சம், வெள்ளம், புயல், நிலநடுக்கம், சுனாமி போன்ற இயற்கைச் சீற்றங்களின் போது மீட்புப் பணிகளில் ஈடுபட ஏகப்பட்ட தொண்டு நிறுவனங்கள் உள்ளன. அவைகளின் நோக்கம் உன்னதமானது. பல கொடையாளிகளிடமிருந்து பணத்தினைப் பெற்றுக் கொண்டு அவைகள் சிறப்பாக செயல்படுகின்றன. செஞ்சிலுவை, ஆக்ஸ்ஃபாம், கிரீன்பீஸ், யூனிசெஃப் போன்றவை அனைவருக்கும் தெரிந்த சில தொண்டு நிறுவனங்களின் பெயர்கள்.

ப‌ல வருடங்களுக்கு முன்பு கிரீன்பீஸ் இயக்கத்தினர் பசிபிக் பெருங்கடலில் ஃபிரான்ஸ் நிகழ்த்திய அணுசோதனைக்கு எதிராக போராடி பல அடக்குமுறைகளுக்கு ஆளானதை மறந்திருக்க மாட்டீர்கள்.

இந்த இயக்கங்கள் ஏராளமான பேருக்கு பணி தருகின்றன. சிலர் 'ஃபாஷன்' என்ற காரணத்திற்காக கூட இதில் சேருகின்றனர். சில விளம்பர அழகிகள், நடிகைகள், பாடகிகள் போன்ற பலரும் அவ்வப்போது தொண்டுபணிகளில் ஈடுபடுவார்கள். நோக்கம் எதுவாக இருந்தாலும் தொண்டுபணிகள் நடைபெறுகிறது. அதுதான் முக்கியம். பலர் ஊக்கம் பெறுகின்றனர்.

ஆனால் சில சமய‌ங்களில் டார்ஃபர் போன்ற அரசியல் காரணத்திற்கான பிரச்சாரங்களுக்கு சிலர் தொண்டு என்ற பேரில் தங்களையும் அறியாமல் பிணைத்துக் கொள்வர். இளம் பிள்ளைகள் குதூகலத்துடன் பொதுவாழ்க்கையில் ஈடுபட ஒரு வாய்ப்பு.

ஆஃப்ரிக்கா பஞ்சத்தில் வாட, தொண்டு நிறுவனங்களின் ஊழியர்கள் மிகப் பகட்டான வாழ்க்கையின அங்கு வழிந‌டத்தி செல்லும் நிலையும் நிலவுகிறதாம். தொண்டு நிறுவன ஊழியர்களை மட்டும் நம்பி பல கேளிக்கை மையங்களும் விலைஉயர்ந்த பொருட்கள் விற்கப்படும் நிறுவனங்களும், உணவு மையங்களும் இயங்குகின்றனவாம்.

தொண்டு நிறுவனம் என்ற பெயரில் போராட்டத்திற்கு பணம் வசூலிக்கும் இயக்கங்களைப் பற்றியும் அவ்வப்போது செய்திக‌ள் வருகின்றன.

சில தொண்டு நிறுவனங்கள் குழந்தை கடத்தல்களில் கூட ஈடுபடுகின்றனவாம். (இதையும் படிக்கவும்). சூடான் அரசு வழக்குத் தொடர்ந்துள்ளது.

"தொண்டு" எனும் வார்த்தைக்கு சில சமயம் இத்தகைய மறுபக்கமும் உள்ளது.

No comments: